بابٍ عتيق ..
ضمتني جدرانه .. و شباكه المطفي !!
يرسم ملامح غايبة ..
منحوته بـ ضلوعي ..
و شباكها عيوني ..
اسكّر الشباك .. و اقرا ملامحها
و ابكي عليها .. حلم
أبكي عليها .. دمّ
و ترسم ملامحها .. معالم اشباهي
افتّح عيوني ..
و القاني من دوني ..!!
حلم قِصر دوني .. و حلمٍ تعداني
و بين الألم و الحلم ..
و قفت انا .. و قلبي .!
سلامة .. سلامة يا سلامة
.................... ذبحني صويحبي .. مادري علامه
ابيعه .. و اجرحه .. و ارجع ادوّر
.................... على قلبه .. وفي عينه ملامة !!
و يهجرني و انا اللي حيل احبه
.................... يقول اني .. مقصّر في غرامه !!
أنا حبيت غيره .. بس ثواني
.................... و لكنه بـ قلبي .. ياسلامة !!
و كتابي .. عيونك
........... لا صرت .. من دونك
و
اتنفسك .. لين انتشرتي / بي
و
اتحسسك .. لين افقد اعصا / بي !!
تذكر بعد ..
لانويت قلبي [ تشبّه ] ..
تسمّعني .. وبكل برووود
[ عطني المحبة ] !!
بطريقة مُستفزّة !!
حتى نومي .. لـ عيونك اكزّة
و اجيك من دون مـ اشعر
" حتى قلبي بك تشبّه " !!
أرسم النجم بـ عيونك
.......... لاغدى وجهك سما
ما أبي هالليل دونك
.......... جرّح شفاهي الضما
هنا .. ذكرياتك .. و انا
هنا .. تلاقينا !!
هنا .. تناجينا !!
هنا .. تبعثرت كل الحروف " بشوفتك " !!
هنا .. قلتي لي " شلونك "
هنا .. شكّلتي " فنونك "
هنا .. تبعثر فيني " أشياء " و " اشياء " !!
هنا .. قعدت اجمّعني !!
هنا .. حضن / تك
هنا .. فقد / تك
تك .. تك
و الثواني .. و شفا / تك
آآآآآآآآآآه
يا ويل قلبي من .. هنا !
غدت جدراني بروازك ..
غدى وجهك .. هو المنفى !!
و وجهي صار بك أعمى !!
كثير ارهقني غياااابك .
ماهي على / كيفك ..
تآخذ معك " روحي " ..
و تترك لي بس / " طيفك " !! .
ياليت الوقت يتأخر
.......... و نبعد عن عيون الناس
تحبيني بعد اكثر
.......... و احبك لآخر الأنفاس
عطيتيني المحبة " ذوق "
.......... سقيتيني غلاك بـ / كاس
ياويلي لاذبحني " الشوق "
.......... و شفتك في عيون الناس !!
فتحت الباب ..
و في قلبي " وله مرتااااب ..!
لـ / عيونهم ..
لـ / احساسهم ..
لـ / انفااااس هـ الغيّاب !
مدري أنا ويني ..
قعدت اناديني ..!!
و انادي للـ / ماضي :
هل ياترى بـ تعود ..؟
رجع علي صوتي ..
كسّر لي سكوتي ..!
اتخايل الذكرى ..
اللي تلبّسني ..!
و اجمع " ألم بكرى " ..
و آنا اتحسسني ..!
لقيتني غاااايب ..
قلبي غدى ذااايب ..
لقيتني رااايح ..
رااايح .. ومن دوني !! .
قمر قلبي ..
غدى قلبي ظلام ..
قمر قلبي ..
غشى عيني الغمام ..
قمر قلبي ..
إلى عزّ الكلام ..
قمر قلبي ..
عقب طول الصيام ..
أمانة .. بلّي عروقي
و كوني بسمة شروقي ..
و ردّي لي ليالِ الأمس ..
أبي الأمان .. لا ضمت عيني لـ شوفك
أبي الأمان !.
الثلاثاء يوليو 01, 2008 4:29 pm
