شاعر وشاعره جمعهم النصيب وتزوجوا ..

شاعر وشاعره جمعهم النصيب وتزوجوا ..
وكان بينهم اتفاق تكون ليلة العرس مختلفه وغير تقليديه ، وان كل منهم يقول ابيات شعر ارتجاليه وقت وجودهم على الكوشه .. وبطريقة المحاوره ..
دخل العريس على عروسه واهي تنتظره على الكوشه .. وبدا ينفذ الاتفاق .. واول شي رحب بالحاضرات
وقال :

مرحبا ضيفاتنا .. فالفرح نوّر 000 ياهلا ويامسهلا بالحاضراتي
ارقصن غنن ولابي منكن اكثر 000 انفضن سمر الجدايل مايلاتي
الفرح بوجودكن .. يزها ويفخر 000 دامه الله نعمةٍ يالغالياتي

وبعد هالابيات .. رحب العريس بعروسه وقال :
الفرح فرحين وانتي الفرح الأكبر .000 ياهلا بك ياعروسي يا مناتي
قبلة الترحيب ، هاتي الخد الايسر 000 الشنب يخدش خدود موّرداتي
ربي جمّعنا .. وقول الله أكبر 000 شاعرٍ مع شاعرة باحلى غناتي

وجا دور العروس الشاعره .. وردت على عريسها وقالت :

ياهلا بك واحترم نفسك توّدر 000 وانثبر ساكت ولا تشوف ..البناتي
فارغٍ قلبك مثل ذيبٍ تحدّر 000 يلغف الخرفان في صمت وسكاتي
لا تفكر يعرفن بالشِعْر الأحمر 000 ما يبن شعرك .. بناتٍ عاقلاتي

ويلتفت العريس على عروسه وابياتها القويه ويرد :
شينها من ليلةٍ يالوجه الاقشر 000 اعقلي يابنت .. خوف من الشماتي
اضحكي قدامهن لو ضحكٍ اصفر 000 ولا تفردّنا .. تشوفي الطايلاتي
وين عقلك بالشعر .. راح وتنكر 000 وين كلمة حب .. وين المفرداتي

فترد عليه العروس :

تحسبن العرس يالانثى المذكر 000 مثل شعرك هرج .. صف القافيتي
العرس ... تدخل بعالم مثل تِقبر 000 ما مضى تنساه تحيا كالرفاتي
المْرَهْ بالعنق .. والاولاد تكبر 000 والعوافي تعقبك في كل آتي

العريس شاف السالفه بتخرب من اولها ، وعروسه بدت تشكي من اول ليله .. فحب يسثيرها وقال واهو يوصف البنات الحاضرات وام العروس :

شوفي اللي لابسه فستانٍ اخضر 000 كنها لولب برقص المبدعاتي
وشوفي امك كنها كيسٍ مخصّر 000 وفرقي بين العجايز والبناتي
وشوفي المزيون راع الشعر الاشقر 000 واهني الرجل في ريم الفلاتي

وهنا العروس طقت عروقها .. وشالت الكلافه بينهم .. وردت عليه :

لعنبو اصلك ترى لو ما تدّبر 000 وتستحي يالشين تقعد في ثباتي
لاصفقك كفين .. اعذر من قد انذر 000 واتركك وحدك وهج بلا عباتي
منت رجّال .. ولكن ثورٍٍ ازعر 000 لا حيا .. لا سمت من كل الجهاتي

وتوقف العروس .. وتصيح بعريسها تطلب انه يقوم ويروحون :

هيّا قم .. قامت عصبك ولا تأخر 000 ناويه أعطيك درسٍ في الصفاتي

ويرد العريس .. يمازح عروسته :

ماني قايم .. روحي لوحدك ولا اكثر 000 خايفٍ منك تجيبي لي حماتي

ويقومون الاثنين وينزلون من الكوشه .. والعروس تهمس في اذن عريسها :

شخّص ببشتك وراسك فوق اكثر 000 ودنق عيونك .. ومشيك في ثباتي
وامسك بيدي .. وتبسم ولا تنثّر 000 ومن قرب حولك تردد .. "ياحياتي "

فيرد العريس بشويش :

من سمع هرجك .. يقول ولا تحذّر 000 ضبي شارد ما خذه ضبٍ نباتي
جعل منتي ذيك اُم الشعر الاشقر 000 لا .. وتتشرط علي وجه الدباتي

ــــــــــــــــــــــــــــــــــــــــــــــــــ ــــــــــــــــــــــــــ
وهذا حالهم طول تلك الليله..خخخخخخخخخخخخخ

اتمنى تكون اعجبتـــــــــــــــــــــــكم

الله الله على الجو الرومانسى شو هذا هى الافراح ولا بلاش و الله حاجة حلوة

هههههههههههههههههه والله عجبتنا يا نيسان بس خربوا الشعر وأصوله

. عدد الرسائل : 724 تاريخ التسجيل : 21/03/2008

مشكوووووووووووووووورة اختى نيسان على الموضوع

ويعطيك العافية